Rapport dwar ksur ta’ dritt tal-UE minn pajjiż tal-UE Kontenut tal-PaġnaKontenut tal-Paġna Jekk id-drittijiet legali tiegħek skont id-dritt tal-UE jiġu affettwati, trid tingħata aċċess għal rimedju rapidu u effettiv fil-pajjiż tal-UE involut. Għalhekk tista’ tissottometti l-kwistjoni quddiem l-awtoritajiet nazzjonali rilevanti u tipprova ssolviha. Huma l-ewwel korpi responsabbli biex jiżguraw li d-dritt tal-UE jiġi applikat b’mod korrett f’każijiet individwali.Tista’ wkoll tirrapporta ksur tad-dritt tal-UE minn awtorità nazzjonali billi tissottometti lment lill-Kummissjoni. Jekk jogħġbok żomm f’moħħok li r-rwol tal-Kummissjoni hu li tiżgura li d-dritt tal-UE jiġi segwit sew b’mod ġenerali mill-pajjiżi tal-UE, u mhux li ssolvi s-sitwazzjoni individwali tiegħek. Min Jagħmel Xiex? L-awtoritajiet f’kullpajjiż tal-UE għandhom rwol ewlieni biex jiżguraw li d-dritt tal-UE jiġi implimentat fil-ħin u b’mod korrett. Dan hu essenzjali biex in-nies u n-negozji jkunu protetti minn regoli li jkun sar qbil dwarhom b’mod komuni u jibbenefikaw minnhom. L-awtoritajiet nazzjonali, inklużi l-qrati nazzjonali, huma l-ewwel linja ta’ protezzjoni għad-drittijiet legali tiegħek skont id-dritt tal-UE.Il-Kummissjoni tiżgura li l-pajjiżi tal-UE jikkonformaw mal-obbligi tagħhom skont id-dritt tal-UE. Jekk jonqsu milli jimplimentaw kif xieraq id-drittijiet tal-UE, il-Kummissjoni tista’ tniedi proċedura formali ta’ ksur kontrihom. L-objettiv hu li l-liġijiet u l-prattiki nazzjonali jiġu allineati mad-dritt tal-UE. Proċeduri ta’ ksur u r-rwol tal-ilmentiL-ilmenti huma sors siewi ta’ informazzjoni għall-Kummissjoni biex tidentifika ksur potenzjali tad-dritt tal-UE mill-pajjiżi tal-UE. Jgħinuna niżguraw li d-dritt tal-UE jkun qed jiġi applikat kemm b’mod xieraq kif ukoll b’mod ġenerali. Fir-rigward ta’ indirizzar tal-ilmenti, il-Kummissjoni hi fil-biċċa l-kbira libera li tiddeċiedi jekk u meta tniedi proċedura ta’ ksur.L-għan ewlieni tal-proċedura ta’ ksur hu li jiġi żgurat li l-pajjiżi tal-UE japplikaw b’mod korrett id-dritt tal-UE b’mod ġenerali. L-għan mhux li jiġu rrimedjati problemi individwali.Qatt mhu se tingħata rimedju dirett, personali jew kumpens sempliċement bħala riżultat ta’ proċedura ta’ ksur. Għal dan l-għan, trid tikkuntattja lill-awtoritajiet nazzjonali rilevanti, inklużi l-qrati.Madankollu, l-informazzjoni li taqsam fl-ilment tiegħek tista’ tgħinna nirranġaw sitwazzjoni ġenerali fejn id-dritt tal-UE qed jiġi applikat b’mod skorrett, għall-benefiċċju ta’ ħafna nies u negozji fil-pajjiż ikkonċernat.X’inhu d-dritt tal-UE?Id-dritt tal-UE hu l-korp ta’ regoli deċiżi fil-livell tal-UE u applikabbli fil-pajjiżi membri kollha tal-UE. Dan jinkludi ftehimiet internazzjonali, it-trattati tal-UE flimkien mar-regolamenti, id-direttivi, id-deċiżjonijiet, ir-rakkomandazzjonijiet u l-opinjonijiet tagħha.Mhux kull aspett ta’ ħajtek hu rregolat mid-dritt tal-UE. Xi oqsma jaqgħu esklużivament taħt il-kompetenza tal-gvernijiet nazzjonali, bħall-ippjanar urban u l-biċċa l-kbira tal-aspetti tal-liġi kriminali u ċivili.M’intix ċert jekk id-dritt tal-UE japplikax għas-sitwazzjoni tiegħek?Ksur tad-dritt tal-UEDan jista’ jieħu l-forma ta’ kwalunkwe wieħed mill-każijiet li ġejjin li jmur kontra d-dritt tal-UE:liġi, regolament jew miżura amministrattiva nazzjonalinuqqas ta’ liġi, regolament jew miżura amministrattivaprattika minn awtorità nazzjonali ta’ pajjiż tal-UE.Pereżempju, jekk id-dritt tal-UE jistipula li l-karozzi diżil ma jridux jarmu aktar minn gramma monossidu tal-karbonju għal kull kilometru, dan id-dritt jitqies li nkiser jekk:pajjiż tal-UE għandu liġi fis-seħħ li tinforza biss limitu ogħlapajjiż tal-UE m'għandux liġi fis-seħħ biex jinforza xi limitupajjiż tal-UE għandu liġi fis-seħħ biex jinforza dan il-limitu iżda l-awtoritajiet tiegħu mhumiex qed japplikawh fil-prattika. X’ma tistax tagħmel il-Kummissjoni? Il-Kummissjoni m’għandhiex is-setgħa li:taġixxi fuq l-ilmenti li ġejjin:kontra atti minn korpi privati jew individwi li ma jinvolvux awtoritajiet nazzjonali dwar kwistjonijiet li ma jaqgħux taħt id-dritt tal-UE (kontroreferenza għat-taqsima “X’inhu d-dritt tal-UE”)kontra pajjiżi li mhumiex membri tal-UEkontra organizzazzjonijiet internazzjonali oħra (eż. in-NATO, in-NU, il-Kunsill tal-Ewropa)toffrilek rimedju individwali jew kumpens għad-danni li ġarrabttieħu f’idejha rwol ta’ teħid ta’ deċiżjonijiet minflok l-awtoritajiet nazzjonali jew teżamina mill-ġdid id-deċiżjonijiet li jkunu ħadu f’każijiet individwali. Indirizzar tal-ilmenti L-infurzar tad-dritt tal-UE hu wieħed mill-kompiti ewlenin tal-Kummissjoni. Aħna nagħmlu dan billi niffukaw l-isforzi tagħna fuq il-prevenzjoni ta’ ksur tad-dritt tal-UE milli jseħħ l-ewwel nett u billi naġixxu b’mod sod u rapidu meta jseħħ ksur serju.L-istess approċċ japplika għall-indirizzar tal-ilmenti. Aħna ma nsegwux kull ilment iżda pjuttost niffukaw fuq dawk bl-akbar impatt fuq l-interessi tan-nies u tan-negozji b’mod ġenerali. Approċċ strateġiku għall-infurzarL-aħjar mod biex jiġi infurzat id-dritt tal-UE hu li jiġi evitat li jseħħ ksur fl-ewwel lok. Il-kooperazzjoni ta’ kuljum bejn il-Kummissjoni u l-pajjiżi membri tagħha hi kruċjali biex tiġi żgurata konformità bikrija.Iżda fl-aħħar mill-aħħar, il-proċeduri ta’ ksur, inkluża l-possibbiltà li l-pajjiż tal-UE jiġi riferit lill-Qorti tal-Ġustizzja tal-Unjoni Ewropea, spiss ikunu meħtieġa sabiex jiġi indirizzat il-ksur tad-dritt tal-UE.Il-Kummissjoni tuża proċeduri ta’ ksur biex tindirizza nuqqasijiet sistemiċi ta’ konformità mad-dritt tal-UE u ksur bl-ogħla impatt fuq il-ħajja ta’ kuljum tan-nies u tan-negozji.Dawn il-proċedimenti ta’ ksur jinkludu każijiet għal:nuqqas ta’ traspożizzjoni ta’ direttiva fil-liġi nazzjonali fil-ħin jew b’mod korrettnuqqas ta’ konformità ma’ sentenza tal-Qorti tal-Ġustizzja tal-Unjoni Ewropeanuqqas li tiġi pprovduta proċedura ta’ rimedju għall-ksur tad-dritt tal-UE.Ara l-informazzjoni dwar id-deċiżjonijiet tal-Kummissjoni dwar il-ksur.L-approċċ strateġiku tagħna għall-infurzar hu stabbilit fid-dokument ta’ politika tal-2016 Id-Dritt tal-UE: Riżultati aħjar permezz ta’ applikazzjoni aħjar u spjegati aktar f’dokument dwar L-infurzar tad-dritt tal-UE għal Ewropa li tagħti r-riżultati. Din l-istrateġija tikkonċerna l-indirizzar kemm tal-ilmenti kif ukoll tal-proċeduri ta’ ksur.Ilmenti li mhux se jiġu segwiti Il-Kummissjoni mhix se tinvestiga lmenti jekk il-kwistjoni tkun diġà qed tiġi indirizzata, b’xi mod jew ieħor mill-awtoritajiet nazzjonali responsabbli jew mill-Kummissjoni nnifisha, jew jekk l-ilmentatur jista' jippreżentaha direttament lill-korpi nazzjonali rilevanti, inklużi l-qrati.Dan japplika għal:ilmenti dwar sitwazzjonijiet individwali fejn id-dritt tal-UE ma jiġix applikat b’mod korrett, li ma jindikawx problema sistemika mifruxa. F’każijiet bħal dawn, jekk ikun hemm protezzjoni legali effettiva disponibbli, il-Kummissjoni se tidderieġi lill-ilmentaturi lill-awtoritajiet nazzjonali.każijiet fejn qorti nazzjonali tkun qajmet l-istess kwistjoni mal-Qorti tal-Ġustizzja tal-Unjoni Ewropea fi proċediment għal deċiżjoni preliminariilmenti li jqajmu nuqqasijiet tal-pajjiżi tal-UE fit-traspożizzjoni ta’ direttiva fil-liġi nazzjonali, li l-Kummissjoni diġà qed teżaminailmenti dwar kwistjonijiet li fihom il-Kummissjoni diġà ħadet pożizzjoni fi proposta leġiżlattiva.Passi fil-proċess Il-passi għall-indirizzar tal-ilmenti u r-regoli għall-indirizzar tal-ilmentaturi huma stabbiliti fl-anness tad-dokument ta’ politika Id-Dritt tal-UE: Riżultati aħjar permezz ta’ applikazzjoni aħjar.Din hi deskrizzjoni ġenerali tal-proċess użat mill-Kummissjoni biex tindirizza l-ilmenti:Riċevuta u skrinjar: Wara li tirċievi l-ilment tiegħek, il-Kummissjoni se tivverifika jekk jissodisfax il-kriterji biex jiġi indirizzat bħala lment. Jekk ma nistgħux inqisu s-sottomissjoni tiegħek bħala lment, se nispjegaw għaliex fi tweġiba (eż. il-Kummissjoni mhix kompetenti biex issegwi l-kwistjoni, l-ilment tiegħek hu pjuttost talba għal informazzjoni eċċ.). Madankollu, jekk is-sottomissjoni tiegħek hi inġurjuża jew bla sens u ma teħtieġx tweġiba sostantiva, il-Kummissjoni tirriżerva d-dritt li ma tweġibx.Reġistrazzjoni u konferma tar-riċevuta: Jekk is-sottomissjoni tiegħek tallega ksur tad-dritt tal-UE minn awtorità nazzjonali ta’ pajjiż tal-UE, tirċievi konferma tar-riċevuta tal-ilment tiegħek, b’numru ta’ reġistrazzjoni. Meta nirrikonoxxu l-irċevuta, se nispjegaw kif nivvalutaw l-ilmenti u kif se nittrattaw id-data personali. Valutazzjoni: Aħna se neżaminaw l-ilment tiegħek l-aktar abbażi tal-informazzjoni li tipprovdi. Għalhekk hu essenzjali li tiddeskrivi l-fatti kollha b’mod konċiż bl-użu tal-formola tal-ilmenti. Il-kwalità tal-informazzjoni li tipprovdi tħalli impatt dirett fuq il-valutazzjoni tagħna u s-segwitu possibbli għall-ilment tiegħek. Mhux se nitolbu aktar informazzjoni sakemm l-ilment tiegħek ma jurix biżżejjed sinjali ta’ ksur serju tad-dritt tal-UE. Abbażi tal-istrateġija ta’ infurzar tagħna, se niddeċiedu jekk l-ilment għandux jiġi investigat aktar, jew jekk jistax jingħalaq. Deċiżjoni: Wara li nivvalutaw l-ilment, nistgħu jew niddeċiedu li nibdew proċedura ta’ ksur kontra l-pajjiż tal-UE kkonċernat jew nagħlqu l-ilment b’mod definittiv. F’xi każijiet, fejn nidentifikaw ksur possibbli tad-dritt tal-UE, nistgħu niddeċiedu li ninvolvu ruħna fi djalogu informali mal-Istat Membru kkonċernat, magħruf bħala EU Pilot, minflok ma niftħu immedjatament proċedura ta’ ksur. Inti se tiġi infurmat b’dan.Se nagħmlu l-almu tagħna biex nilħqu deċiżjoni fi żmien sena mir-reġistrazzjoni tal-ilment tiegħek. Inti tiġi infurmat jekk nikkonkludu li mhu se tittieħed ebda azzjoni ulterjuri dwar l-ilment tiegħek. Se nispjegaw għaliex beħsiebna nagħlqu l-ilment u se jkollok 4 ġimgħat biex tissottometti aktar kummenti jekk tixtieq. Jekk ma tweġibx jew it-tweġiba tiegħek ma ġġibx elementi ġodda li jwasslu biex il-Kummissjoni terġa’ tikkunsidra l-pożizzjoni tagħha, aħna nikkonfermaw l-għeluq tal-file. Mhux possibbli li tiġi appellata d-deċiżjoni tal-Kummissjoni li tagħlaq ilment.Infakkruk li tkun xi tkun id-deċiżjoni li nieħdu, ir-rwol tal-Kummissjoni hu li tiżgura li d-dritt tal-UE jiġi segwit sew mill-pajjiżi tal-UE, u mhux li ssolvi s-sitwazzjoni individwali tiegħek. Biex tikseb rimedju personali jew kumpens trid tikkuntattja lill-awtoritajiet nazzjonali rilevanti. Taħseb li l-Kummissjoni ma indirizzatx l-ilment tiegħek kif suppost?Jekk taħseb li l-Kummissjoni ma indirizzatx l-ilment tiegħek kif suppost tista’ tirrikorri għand l-Ombudsman Ewropew. Dan japplika għal aspetti bħan-nuqqas ta’ indirizzar tal-ilment fil-ħin jew in-nuqqas li tinżamm infurmat dwar l-istadji differenti fl-ipproċessar tiegħu.Madankollu, f’dak li għandu x’jaqsam mad-deċiżjoni nnifisha, l-Ombudsman jista’ jikkuntattja biss biex jiżgura li l-Kummissjoni tkun spjegat il-pożizzjoni tagħha kif suppost. Hu jista’ jitlob li d-deċiżjoni tiġi rieżaminata biss jekk ikun hemm evidenza ta’ żball manifest.X’perċentwal ta’ lmenti tinvestiga l-Kummissjoni?Il-Kummissjoni ma tkomplix tinvestiga l-biċċa l-kbira tal-ilmenti, għal 3 raġuni ewlenin:il-Kummissjoni m’għandha ebda setgħa li taġixxi fuqhomma ġie identifikat ebda ksur tad-dritt tal-UEil-ksur identifikat jiġi ttrattat aħjar fil-livell nazzjonali.Pereżempju, fl-2022 il-Kummissjoni kompliet issegwi anqas minn 5% tal-ilmenti (billi nediet investigazzjonijiet).Madankollu, xi drabi l-Kummissjoni tkun tista’ tagħlaq b’suċċess każijiet ta’ ksur ewlenin ibbażati fuq jew appoġġjati minn informazzjoni mogħtija fl-ilmenti, minħabba li l-pajjiżi tal-UE laħqu konformità.Il-Kummissjoni tirrapporta dwar l-indirizzar tal-ilmenti fir-Rapport Annwali tagħha dwar il-monitoraġġ tal-applikazzjoni tad-dritt tal-UE. Issottometti Lment Ara l-lista ta’ kontroll tagħna biex tiżgura li l-Kummissjoni Ewropea tkun tista’ tinvestiga l-ilment tiegħek u timla l-formola tal-ilmenti.Issottometti Lment Ilmenti multipli Il-Kummissjoni xi drabi tirċievi numru kbir ta’ lmenti dwar l-istess suġġett, kontra l-istess pajjiż tal-UE (“ilmenti multipli”).F’dawn il-każijiet, il-Kummissjoni tista’ tiddeċiedi li tikkomunika mal-ilmentaturi bħala grupp, billi tippubblika informazzjoni fuq dan is-sit web. Il-komunikazzjoni bħal din tippermetti lis-servizzi tal-Kummissjoni jwieġbu malajr u jinfurmaw lil dawk ikkonċernati. Dan jagħti wkoll l-opportunità li jiġi indirizzat interess pubbliku potenzjalment usa’ dwar il-kwistjoni mqajma mill-ilmentaturi.Sib aktar informazzjoni dwar avviżi dwar ilmenti multipli li jkunu għadhom qed jiġu evalwati jew li jkunu ngħalqu riċentement. Links utli Kif tressaq ilment fuq livell nazzjonali.Drittijietek skont il-Karta tad-Drittijiet Fundamentali tal-UE – meta tapplika l-Karta, x’għandek tagħmel jekk jinkisru d-drittijiet tiegħek u fejn għandek iddur għall-għajnuna.Għandek ukoll id-dritt li tissottometti petizzjoni lill-Parlament Ewropew dwar l-applikazzjoni tad-dritt tal-UE. L-ewwel iċċekkja jekk il-kwistjoni tiegħek diġà tqajmitx mal-Parlament. Jekk dan hu l-każ, tista’ tappoġġja petizzjoni eżistenti. Jekk il-petizzjoni tkun ammissibbli, il-Parlament jista’ jitlob lill-Kummissjoni twettaq investigazzjoni. Il-Kummissjoni se tivvaluta t-talba u twieġeb lill-Parlament.
L-awtoritajiet f’kullpajjiż tal-UE għandhom rwol ewlieni biex jiżguraw li d-dritt tal-UE jiġi implimentat fil-ħin u b’mod korrett. Dan hu essenzjali biex in-nies u n-negozji jkunu protetti minn regoli li jkun sar qbil dwarhom b’mod komuni u jibbenefikaw minnhom. L-awtoritajiet nazzjonali, inklużi l-qrati nazzjonali, huma l-ewwel linja ta’ protezzjoni għad-drittijiet legali tiegħek skont id-dritt tal-UE.Il-Kummissjoni tiżgura li l-pajjiżi tal-UE jikkonformaw mal-obbligi tagħhom skont id-dritt tal-UE. Jekk jonqsu milli jimplimentaw kif xieraq id-drittijiet tal-UE, il-Kummissjoni tista’ tniedi proċedura formali ta’ ksur kontrihom. L-objettiv hu li l-liġijiet u l-prattiki nazzjonali jiġu allineati mad-dritt tal-UE.
